نشا السحاب وهل بلة على الدار

وأبصح مروج أزهار يوم ورى يوم

سبح رعد غر السحايب بالامطار

ونبت الثرا والقاع مخضر وماسوم

وتلونت روس الزماليق بازهار

ورفرف لنا عز بعيد عن اللوم

وأهل الوطن في عز منقولة أخطار

والخير فاض لكف سايل ومحروم

في ظل ابو فيصل ذرا الضيف والجار

الحق وافي مايجي منه مثلوم

شيخ الشيوخ اللي على الامه إستار

الأمه اللي تشهد الحج والصوم

أمة محمد في بعيدات الأقطار

وإحمايته عدت على الفرس والروم

راية يقدي ياعرب كل محتار

اللي تلوت عوج الأريا بمنجوم

لا ضاع شور اللي يقدون الأشوار

شوره يوردهم على الدرب ملزوم

فهد العدل0 فهد العرب0 واف الاشبار

مضرب مثل في حب حاكم لمحكوم

طول الليالي جعله ابخير ومجار

فنار عدل مناصر كل مظلوم

العيد به عيدين والعيد لي دار

عليه ياجعله من الشر معصوم

شيخ لشعبه بالغلا مصخي بار

يحبه اللي من عجا الديد مفطوم

حب على وضح النقا ما بعد صار

إلا لبو فيصل عسى عزه يدوم

حب شهوده طاعة تجلا الامرار

دونه نبيع الروح ونرخص السوم

عيد يعوده عاد للشعب بـ أسرار

وافراح للي تنكر عيونه النوم