وقت المشاره صار من شاعر صار

امسى قلمنا صار والصبح تقرون

قيل حصابي راس كوّن من الراس

مثل سراج الراس للي يسرّون

قيل على ماضوع بالطرس ماضوع

يارعي الماض اوع تراك مديون

الله يعقله مستبد بعقله

يجوز لي عقله عن اللي يتيهون

ان كان فيه القاف يمشي على القاف

ولا لحم بالقاف وأنتم تشوفون

رجل الى جاني من الفخر جاني

مايشبه الجاني ولا اللون باللون

واللي ببطنه ريح يستنشق الريح

جابت هبوب الريح قولة يقولون

لايرتبش خاطرك معناي خاطرك

مانيب انا خاطرك خايف من الكون

مابي خلافي مير اشوفك خلافي

شاعر خلافي تنتسب لابن لعبون

من ضعف جودك ينضح الماي جودك

من فضل جودك خل مشيك على الهون

اللي مضى كافيك والوسم كافيك

لابارك الله فيك ربعك يقولون

ولابقى لك حس في هزمتك حس

بالقاع خش وحس ترتاح مدفون

ياللي علينا جار وبصيفتك جار

من دون جر وجار ربعك يخلصون

يامشهد الجسار بنيت لك اجسار

كانك بطل جسار عزز لك اركون

والا انسدح بالقاع في هم والقاع

الى اونست راسك قاع بالحزم تاعون

وختامها بالذات من عقب بذات

شوفوا لنا بالذات ناس يحكمون

لو الحكم بالغار بحدود بلغار

لجل احتجاج الغار لازم يحضرون