أشهد أن دنياي ماجت في عدال

زودها النا كل عام ترذلون

ذوقتنا الكدر من عقب الزلال

وعلقت رمحينها بين المتون

خمسة أشهر ما قعدنا بالظلال

كود ظل اللي به العاف مخزون

في تصاريف الحجر هي والحيال

وأن قضوا ذولا هذولا ينزلون

قالوا أن الصبر تقنيه الجمال

غرهم سنين الجلادا والمنون

يا مصورة السوالف بالعدال

اثركم فيما حكيتوا تكذبون

أشهد أن الصبر تقنيه العيال

كل ما حطوا عليهم ينقلون

يردون الموت في كل الأحوال

غير ذلك والسكارى يضحكون

وعذابي من طويلات الليال

أشهد أن الغوص راعيه مغبون

كل ما كمل هلال جا هلال

من محاتاهن يشيبن العيون

أربعة جرد تكملهن كمال

لين يكمل حتنهم ويقفلون

يالنشاما ياكريمين السبال

كل كون غير كون الله يهون

بد من يوم وتشوفون العدال

عقب مارحتوا جنوب وتشملون