يا مفارقني وانا من فراقك ويش اقول

غير يالله يا معين القلوب الصابره

يامسوى شي يذهل وهجرانك ذهول

يامعلّقني بطيف الهجوس العابره

انت وينك رحت يا علّ بعدك مايطول

ياخى ارجع واترك الهجر واقطع دابره

لاتخلّيني على الظن وأنصاف الحلول

والله ان الصبر مليت وأنا اكابره

طال مشوار التجافي وزادن الحمول

كيف تجفاني وقدرك بقلبي خابره

يابتول التيّه وانته من التيّه البتول

لك غلا يذرع فؤادي وعشقٍ شابره

اعتبرني لاتوجدت من باب الفضول

لاتعاتبني وطاريك فكري سابره

انت مذهلنى وملهم قصيدي والميول

كل معلوقٍ بقلبي غرامك قابره

فارعٍ يرتع بك الحسن وطغاك القبول

بعدك امحطم فؤادي وقربك جابره

يارواية حلم الاعماق في كل الفصول

شوفتك تلغي هموم السنين الغابره