من لايقدر رفيقي لا يعاهدني

حتي لو إنه ولد عمي وابن خالي

كانه علي رفقتي للقرم حاسدني

لاعاد يطري عليه ايدق جوالي

انا انتقي عشرة الغالي وتسعدني

وقت الشدايد يبين المعدن الغالي

اسنده في حزة اللازم ويسندني

ولا تروّح هقاوينا علي الخالي

يابو محمد ظروف الوقت تحصدني

وانا علي هقوتك رجلي وخيالي

اجاهد العمر وسنينه تجاهدني

واشرب فناجيلها ماشرب فنجالي

من خوف لااطيح والحزن يتسيدني

احسب لمخراج رجلي قبل مدخالي

تدري وش اللي مع الدنيا معقدني

ومكبرٍ حسرتي ومضيقٍ بالي

إن اقرب الناس بالهرج يتصيدني

وانا ليا ضاق جيته مرخصٍ حالي

ماقلتلك يارفيقي لاتناقدني

لو شفتني بالسكوت احطم امالي

خلك معي وان طلبتك فايدة فدني

تشابهة في عيوني كل الازوالي

ما الله علي تبعت المقفين قاردني

وانا زحول الرجال اتسولف افعالي

شاعر وربعي لهم فخرٍ مجسدني

قضاية اللازمة حماية التالي

افعالهم هيل واسماهم تقندني

تقول تقطع ضرم راسي وغربالي

والله علي باقي ايامي يساعدني

ويعينني بالصبر ويكيد عذالي

ان مت محدٍ مع الايام فاقدني

الآ رجال الوفاء والمعدن الغالي