ليه تبطي والبطا مذموم في سلم الولايف

ياعديمٍ مكسبي من جور غيباتك هزيمه

رحت والروحه هى الروحه وخلّيت الحسايف

تاخذ القلب الحزين بدربها مثل الغنيمه

فاح صدري والمشاعر جيش ياعذب الوصايف

كل ماصفت على التفكير ذبيت الخريمه

يا معودني على حبك وهمساتك طرايف

لا تجر القلب من نعمة هواك اليا جحيمه

لاتصيّف في مصر صيّف بقلبٍ لك مصايف

عيش في نبضه وحط هموم قلبك في صميمه

دام لك فالقلب ياعين الرضا منزال نايف

اطعن الهجران في سيف المواصل والعزيمه

صاحبك ماهوب من دور الزمان الشين خايف

القناعة كنز والمقدار عز وراس شيمه

خايف إنّك تستلذ البعد وأشوف الكلايف

وانت تدري بالجفا مكروه وطعونه عظيمه

عود لى فالبعد عني وش حداك ويش شايف

مابقابي صبر وابعادك عن عيوني جريمه

رد لى عجزت اكيّف خاطرٍ ماهوب كايف

كن تحتى زلزلة واهس وفوقى برق غيمه