طاريك واحداث الغرام ومزاياك

وفرايد الشعر الجميل وسنعها

معي واحددها علي جال ذكراك

واقضم غضبها واتهجى ورعها

لو كان صدك يفلج بنود لقياك

دورتلك كلمة وقلت استمعها

لكن صداتك وهجرك وجفواك

ماهيب لك بس العناد اصطنعها

بعدين يامترف هل الحسن وياك

لا انته بشاريها ولا قلت بعها

محبتك جيره وحيره ولولاك

ما اغض عيني والمدامع وجعها

اساير الايام من باب الادراك

من لاتعلم سيرته مانفعها

تعال من طيشك ترى القلب ملفاك

وأقلط علي مشاعري وانتزعها

تعال سولف عن مقيلك لمسراك

تراك في بال الخواطر ومعها

محتاج اغني وتأمل محياك

واختار لحروف الغلا وابتدعها

وعلمك وش صار لى يوم فرقاك

ضرايب الفرقا خفوقي دفعها

ميت من اشواق الغلا واتحراك

سنه ونفسي موتها من ولعها

شفني مابين ادناك واراجع اقصاك

اجمع شرايد فكرتي واقتطعها

اقول في نفسي ليا حل طرياك

ان كان ماطاعتك الايام طعها

انساك ؟ قلي كيف بالله ابنساك

وصلك دواء نفسي وبعدك فجعها

ويلاه ياقربك وشوفك ولا ماك

قدام لاروحي تخالف سنعها