الا يالغزال المترف الرايق الجذاب

عليك القلوب وحدب الاضلاع مكتوفه

سمّى الظبي يا سارق اللب والالباب

انا البارحه مابين طاريك وطيوفه

اسامر خيالك واتمنى واحسب احساب

لو ان الرجل بأمناه ما يلحق اشفوفه

ليا مرّ طيفك قلت يا ( ثورة الاعصاب)

والا غاب فاض والوجد وألحقته احسوفه

احطك بقلبي وتلقاك فالاهداب

تكلف فؤادي فيك والعين مكلوفه

لك السبق في تأكيد ياحب يا غلاّب

ولي سبق في دوامة الوقت وظروفه

بعد غبت عن عيني وقلت الغياب اغياب

بدا فالقصيد اشعاف والروح ملهوفه

انا من غيابك ياحبيب الغلا منصاب

صواب علاجه منك بالصوت والشوفه

فتح بَعد عينك عن عيونى دروب وباب

وركّز فراقك خنجر البعد وسيوفه

بقلبٍ عليك اليا طواه الحنين وذاب

كما جملة من صفحة اعراب محذوفه

لايلحقك لومي من غيابك وراسي شاب

ويصبح فراقك رمز للوقت وحتوفه

بلاش الغياب الله يلومك بدون اسباب

مالك حق مير ارجع ودين المحب اوفه

يكفيك سهري بوح شعرى مع الاعجاب

على رغم بعدك في معانيه وحروفه

وانا يكفي اني شاعرٍ من هل المرقاب

يسجل على صفحات الابداع معزوفه