كم
قراني الفضول
القادر / المستحيل
كني الحين /غلطة ..
في مهب السؤال
مِسْتِوي
فوق شعري .. في عيوني أصيل
والشروق الله أكبر ..
كيف عشّش ظلالْ ..!
كيف ظنّكْ ..
أبوي الحين / يسقي النخيلْ
والصحاري عمامة
فوق روس الرجال
لفّ شال التمنّي
ليل حزنك
طويلْ
المسافة حسافة
والطريق / احتمال
آه ياللي كلامك
مثل ضحك البخيلْ
السوالف تخالف
والسكوت .. ارتجال
جيتْ .. ظلي عصايْ
ونص كلّي طويل
أتظلّل عصاي .. ونص كلي ظلالْ
كان صمتك ( مرّبع )
صوتي المستطيلْ
ناتج الضرب قسمة .. يوم أق وللك تعال
انثر الشمس صفرا فو ق
تلّ الصهيل
ولا سألوا وين غابت ..
قود ..جيش الخيالْ
الأغاني .. أماني
والوطن مستحيلْ
راحة البال خيمة ..
شفت لو هي خْبالْ
حابس أشعل مسايْ
الوقت شاعر هزيلْ
عودكْ اقوى على الضوْ ..
لو جمعنا اشتعالْ ..!