( أظنَّ إنَّك تذكَّرني
إذا صوتك لمس صوتي
وأظنّ إنَّك تبي تعرف
حياتي بعد ماكنت الوحيد اللي عرف موتي
أنا يا صاحبي ما غبت
ولا غابت عن الدنيا حكاياتي
حزين وقصتي سطرين
ممات .. ومت
ورحلة في بداياتي
إذا عسعس عليَّ الليل
يميل لنسمته جرحي .. مثل غصن الشجر عطشانْ
وجذره فا الثرى غرقانْ
مثل ما تقول .. أخاف الليلْ
يقولون الشعر فا الليلْ
وأهل الشعرْ .. لا دلْهم عليهم ليل يحبونهْ
وأنا لحالي .. ما بين اللي خلق ربي يخافونه
أبيكِ إنتَ ..
بدال الليلْ .. أبي صوتك يجيني صبحْ
وأبيك إنتَ بدال الجرحْ
تسولفلي .. عن اللي قبل ما أشوفك يحبونك
عن اللي بعد ما شفتك يهابونكْ
أبيك إنتَ .. تصوَّر لو تكون الجرحْ ..!
***
تصدق ..
ليلة البارح .. تذكرتك
تخيَّلتك .. وعاتبتكْ عتاب أحبابْ
وقلت فنفسي وآنا أضحكْ
( صحيح إنَّ الهوى غلاَّب )
يجيلك قلبْ
ثلاثة شهور ما أشوفكْ
وفيديني .. كتاب الحب
ثلاثة فصول ما منها من حروفكْ
يجيلك قلب
وأنا مثلك يجيلي قلبْ
أعاند بالوسل روحي
وأنا اللي دايما محتاجْ
أعلمها عن جروحي
عن اللي كانْ
دوا موصوفْ
جعل مني ضرير يشوفْ
ورجَّعني وأنا شايب
بقايا شبْ
عنيد وصلبْ
يجيلك قلبْ ؟!