غصبن على عين جرحي أقبل أعذارك

وأسامحك لو نهتني عزتي دونك

كثر الخطايا بحقي زاد مقدراك

مع كل هذا وأخاف تخونك ظنونك

لا ترتبك لا تحاول تفضح أسرارك

أقراك كلك على بعضك من عيونك

يا حلو طيشك مع عنادك مع إصرارك

ويا قوّ باسك ونفس الوقت يا هونك

مع كل طاري تجيني آخر أخبارك

وإذا نسيتك تذكرني بك طعونك

لا جيت أبأختار غيرك أرجع أختارك

ولا جيت أخونك أزيدك عشق وأصونك

عندي خبر جنتي هي بالهوا نارك

بالضبط فيني جنونٍ يشبه جنونك

إترك خطاياك وإترك عنّك أعذارك

انسى عذابي وقلّي انت وشلونك