الصبر وياك محتاج لصبر

يا حبيب الروح هذا ما يصير

راح عمري و إنت ما عندك خبر

و إنت ما حددت للعشرة مصير

كنت أظنك ما بقالي من عمر

كنت أشوفك بين كل الناس غير

و لا جنيت إلا التجافي و الهجر

ما ذكرني قلبك القاسي بخير

من عرفتك ما عرفت إلا السهر

لا تذكرني و للماضي تثير

ايه أبي أنساك لو كنت النظر

صعب أعاشر شخص ما يهوى بضمير

ما عرفت أختار و الدنيا عِبَرْ

أعترف إن الخطا مني كبير

لا تعذّر ما أبي مِنك عذر

جرحك اللي بالحشا جرحٍ خطير

من صبر يا غلطة سنيني قدر

علمتني دنيتي الشي الكثير

الصبر لا تنتظر مني صبر

نفترق هذا هو الحل الأخير