ولك يسعد أبو ترثة هلك قلي وش اكتب فيك

مادام الشعر من فرحة خفوقي صابتـه سكتـه

طبيعي مثل ماقلبي يحـرّك نبضتـه طاريـك

مسار الشعر في حكمـك تقـلّ وتكثـر حركتـه

مثل مااغليك وافرح بك بعـد يفـرح بـك ويغليـك

لذا أرجوك تستحمـل عبـط شعـري ، وصعلكتـه

( فشر ) يئدر بشر يحكي علينا هيك والا هيـك

شياطين الحكـي ، تسكـت اذا حضْـرت ملايكتـه

انا اكره ماعلي اكتب ( غزل ) لكن عشـان ارضيـك

أبدخل مملكة غيـري واباخـذ عـرش مملكتـه

عشانك بحرق اشباه القصيد بصاعقـه واسقيـك

زلال الشعر في قلبك عسى الله يطـرح بركتـه

( تفشخر ) شاعرك ( شبل الشظايا ) واعتقـد يكفيـك

تملّـك ( ذوقـك الفاخـر ) وفالآخـر تملّكتـه

لأنك تمتلك فـوق المزايـا موهبـة تكتيـك

قدرت تصيد لك طيـرٍ يخـمّ النقـل بشبكتـه

ولأنك مختلـف جـداً ولا أيـة شعـر يغريـك

زرعت الخوف في ، قلـب القصيـد وفعـلا اربكتـه

ولأنك جيت شاريني قبـل عرفـي لـزوم اشريـك

هلابك بالخفـوق اللـي مـن الوحشـه تداركتـه

أحبك كثر ماودك تعـرف شكثـر افكـر فيـك !!

كثر مالنوم من عيني علـى ماقيـل ( جمركتـه )

أنا من غيـر مااكتـب بـك قصايـد ، ربنـا حاليـك

معاك الشعر يستسلـم قبـل لااخـوض معركتـه