مايتبع هروج السفيه بذمتـي غيـر السفيـه

يعني على رأي المثل ( أعمـى يقـوده إمّعـه )

تبت يدين الإمعه واللي معـه تبـت يديـه

بوق الدجل ، شيخ الجدل ، والسربه اللي تتبعـه

فقيه علم البلبلـه ، بهلولهـم ، سعْـد الفقيـه

اللي يريد إصلاحنا ، أصـل الفسـاد ، ومنبعـه

تحشم سمو المملكه عن مـا يقـول ويدعيـه

من يسمع علومه ، خبل لو عاد فكر ، يسمعـه

والله ولا 100 سعد ، يهزنـا ، بـدري عليـه

مازعزعوا حب الوطن زمرة فسـاد مجمّعـه

حنا تحت أمر النزيه ابن النزيـه ابـن النزيـه

اللي بذكره يحتمي بيـت ، القصيـد ، ومطلعـه

لا قال ابو فيصل كذا قلنا كذا من غير ليـه

حنا الزناد اللي رفع صدره لضمـة إصبعـه

ناقف مثل صف الفشق بالمحزم اللـي يرتديـه

من لا ارتدع عن دارنا أدنى حدينا ، يردعـه

الدار نخلة دونهـا سيفيـن ياحضـرة فقيـه

( الشرع ) ثم ( آل السعود ) وغيرهم مانتبعه

مايتبع هروج السفيه بذمتـي غيـر السفيـه

وانتم مثِل قول المثل ( أعمى يقوده إمعه )