اكبر خطا عذرٍ يجي بين الاخـوان !!

لا صرت اخوي وتعتذر لي فشيلـه

مخطي اذا ظنيتنـي كنـت زعـلان

حيشاك والله مايجي منك عيلـه

غلطان يومك تعتذر ماانـت غلطـان

ماابي عدوّك منك يشفي غليله !!

ابك انت لو وزنـت قـدرك بميـزان

عجزت موازين المحبـه تشيلـه

نسل الطنايا مايجـي منـك نقصـان

النقص يلفي من خطـاة الهبيلـه

السالفه ماهي قصايـد وقيفـان !!

عشرة وعيش وملح ماهـي قليلـه

" اضرب على الكايد لياصرت بحلان "

وانا عضيدك لا عدمت الوسيله !!

الطيب مبطي بين شمـر وويـلان

كل القبايل تعتبرهـم (( قبيلـه ))