أنا فالملعبه يطري علي ان الحديـث يقـول

دم المسلم على المسلم حرام وعرضه وماله

أنا فالملعبه هرجي يمر عقـول دون عقـول

عميـلٍ مايجارينـي يدورلـه مـن اشكـالـه

الامنه حشم نفسه عن الزله مهـو مخـذول

والامن ضاعت علومه تركته يشـرب دلالـه

أنا ماقول من قدي ولاني من السما مرسول

ولكن من يبي يلعب يناظـر منهـو قبالـه

ولد من يعتزى فيه ويحل وينقـض المفتـول

أنا منهو على درب المراجل يسحبـه خالـه

أنا منهو عشق لعب القوافي داخل الزهمـول

وانا من جبر كسور القصيـد وقـام يبرالـه

أنا من طوّح سيوف النشامى سيفه المصقول

الامن قال ( خلوها ) سـرى ياليـل موالـه

أنا ماحلحلو حيلـي ولوهـم حاولونـي حـول

أحلّ حيلّ من حاول معايه يبلـش بحالـه

وش المعقول لاقالو تقول اللي مهو معقول

كثر ماقيل ذا قولـي ولا قبلـي أحـد قالـه

قصيده لو عرضتوها على صياف وشبيقول

اذاهي طافت حبيّـب ولامـرت علـى بالـه

وانا فالملعبه تطلع علومي والحديث يطول

ولكن من يبـي لعـب معايـه يفهـق عقالـه