كثر مايزعلك خبـل وكثـر مايشتمـك مطفـوق

كثر ماتكبر بعينـي واشوفـك فـوق خلـق الله

نعم واللي خلقك اني اشوفك فـي عيونـي فـوق

مثل هاك النخيل اللي يظـل النـاس فـي ظلـه

تسلطن لعنبو رجلٍ لبس ثـوب الفخـر مشقـوق

مادام ان الفخر كفوك تسلطن وانت كفـوٍ لـه

ذكي قائد محنـك ياعسـى الله مايجيـك بعـوق

عسى من يرجي العلـه تصيبـك صابتـه علـه

خلف لا ياخلف جـد المراجـل والأدب والـذوق

يخلف الله على رجلٍ يبي في سيرتـك زلـه

أنا لا من ذكرت اسمك اخافـه يكسـر الطـاروق

لأن اسمك خلف يعني خلف هذا الشعر كله

انا ماجيت أبمدح بك وانا لو بمدحك مسبـوق

ولكن جيتك ببيت ٍ يخصك أنت وافطـن لـه

اذا هالمرجله تعشق وقيل ان في لها معشوق

ترى ماغيرك بعيني لها من بين خلـق الله