سرى ليل القصيد اللي يفـز مـن الطنـا قـدام

علـى منهـج سـلام الله سـلام الله نبديهـا

بلاش من الورق كله مـادام ان القلـم ابهـام

يطق الحرف والكلمه علـى الشاشـه يوديهـا

لبست الدرع والخوذه واخذت من الحروف حسـام

مسامير الحكـي ، تحيـي القلـوب ونـوب تعميهـا

ياغاده ليتني أقدر أنام اليابغيـت آنـام !!

تزوم من القهـر كبـدي ولا ادري كيـف اهديهـا

ياغاده ريحي بالـك ونامـي واسمعـي أنغـام

حبيبك لا زعل ، يقلب ، أعالـي القـاع واطيهـا

طبيعي ، لا زعلت اجـرم مـادامٍ واقعـي إجـرام

ياغاده قهوتـي سـاده ولا ودي احليهـا !!

انا عندي مفاتيح لقضيه تفضـح الأقـزام

لو افتح لك مواضيع وقصايـد وش يكفيهـا

أقلّك ليه ياغاده حمـاده مايحـب اعصـام

لأن اعصـام بـه عـادة ، ولايمكـن يخليهـا

حمامـه ياحمامـه عـوّدي قـدامـك الـحـوام

ورى القناص يجدعهـا علـي ولا يباريهـا

ترى ماهي سوالف يايمن ياخام خلك خـام !!

بلاش تسولف علوم الرجال وماانـت راعيهـا

وصلك الطحن دامنك سمعت الجعجعة من عـام

أذا ماجتك بالقـده وأنـا عمـك حواليهـا

لأنك ماانت ( روبرتو ) ولا انت بصايرٍ ( بيكهام )

إذا جتك الكُور حـاول يـاروح امـك تجليهـا

مادامك ماانت ابوالطيب ولا انت بحول أبوتمام !!

تركد لا تقول أرمـي ، وترمـي ثـم تخطيهـا