الوفى خصمج وكرهج له باين بالصدور

تعشقين الغدر وقلبج ماوفى بقلب(ن) حزين

لاهيه بالغدر وأيدج بس تطعن بالضهور

ومدري شنهو تستفيده لا بغيتي تطعنين

جايده دورج ولكن ماتصيديني بدور

انا لامني عشقت غصب انتي تعشقين

والغدر اللي تبينه ما أظن عندي يدور

لني أملك من وصوف(ن) صعبه انج تملكين

صبر أيوب وخداع أبليس جعله مايثور

وقوة الفارس صلاح الدين اللي له ندين

كبرياء فرعون وحنكة حضرموت والغرور

يشبه غرور المدمر هتلر اللي تعرفين

وبالطغاة مثل صدام العراقي ما أشور

أتوكل وأفعل اللي شافته عين(ن) وعين

أفهمي قصدي وعقلج لا يجي عندي يخور

ماهو انتي يافلانه من قدر فيني يهين

حاولو قبلج اوادم دمهم دايم يثور

ومقدر بللي تبينه جان قصدج ماتبين