انا اليا مني تضايقت واحزنت

من ضيقتي تحزن لحزني جماعه

لذا أكابر لأني ادركت وايقنت

اني حريق وخايفين اندلاعه

بك يألهي عن عطا غيرك اعتنت

يلي خلقت من الصناعه صناعه

لاضاق بي حالي توضيت واذنت

وصليت لك يارب سمعن وطاعه

مدامني عبدك وبقدارك امنت

اكيد ابصبر لانفقدلي طماعه

لا يارفيقي ليت لازنت ماشنت

امرضتني وانا ماعندي مناعه

كنت احسب انك لاتبينت بينت

واثرك مع البشعين تدرس بشاعه

قسيت بي وانا لقربك تهاونت

وكسبت ضيقت خاطري واتساعه

اللي على امال تزويجها ادمنت

اخذتها في قرب جد ولكاعه

ماوقفت دنيا بكبرها على بنت

اللى يوقفها الرفيق وضياعه

يابن العمومه لاتحسبوني شنت

لا والذي تصبح بذكره الاذاعه

ماهوب هو لكن اني كما كنت

لا اخون فالصاحب ولا الوي ذراعه

على العموم اشكرك جدأ ولاهنت

اقنعتني في شي واصبح قناعه

من سخريت الاقدار اني انا وأنت

يضمنا جد ونتسمى جماعه