محبن فى خليات البوادى ياحمام البر

شمالن والحفر أمسا فوانيسن أسامرها

أساءل قوبع المرح القديمه واسأل الحمّر

واسالك عن خيالاتن هويت انى اعاشرها

تركنى لاهب الجوزا بوجهن شاحبن أسمر

بقلبن عاشق بنفسن رهيفاتن مشاعرها

هديلك من حمامات الربيع الطيّب الأخضر

ألا هودل بروحى هودلت عشقن وطيّرها

الى عذرا من ربوعى أنام بجفنها واسهر

عليم الله كتبت أول قصيدى فى دفاترها

بدربك للحفر خذ لى دموعن طارفه واقهر

تراك أنت الرساله والقصيده وانت شاعرها

على شبّاكها جر الهديل وغن واتذكّر

لعلك ان لمست احساسها فينى اتذكّرها