لاتفتشين جيوب ثوب التفاصيل ؟

تلقين شيٍ يحزنك ياحلالي

لي قلب يالشيخه تطارد به الخيل

كنه لكل الناس ماهو لحالي

يشرب قهر كل القلوب المغاليل

من حب يعطي ياخلف من غدالي

طابت لركظه بالعذال التعاليل

بالحب مااشغل بالمغاليق بالي

من وجه غالي يولد الحزن ويحيل

ابكي يموت الحزن في وجه غالي

حاولت اقول ان الليالي مناديل

مير البلا سالت جفوني ليالي

خوف وحنين وليل منسوج به ليل

عن ذكرياتي كذب لو قلت سالي