اليا اصطدم حلم الصدى بـ واقع الحال !!

الصبر يصبح يااهل الراي مشلول

اغتاض وأزعل واتفجر وأهتال

مستغربٍ مستقبلي حلم مجهول ؟

ياغربتي عايش بعمياي جوّال

تابوت بـ يدين المقادير محمول

عايش على ومض الأمل والهدف طال

وبدا طموحي يرتجف دون مدلول

ماادري هي العيشه مريره وبالأمال ؟؟

مادري انا الي واقفٍ دون مااقول

في شرعنا رجل المحن عيب لاقال ؟؟

قول يعيبه لاصطدم بأي مسطول ؟

وعيب انحسب بين الرجاجيل رجال

لاقلت أطول الي أريده ولا أطول

بـ اضرب بها الدنيا على كل منوال

لعل مخطي ضربتي يقنص بـ زول

والفرق قالوا بين شاهن وحمال

تحطيم قيد الذل والصبر مملول ؟

اليا طقني جال ابي التجي لجال

ماينثني عما رسن اي معذول

فجر براكين الغضب ضايق البال

فقري وحالي شاكي المر معلول

ماعاد في جرح الزمن اي محمال

بين الأمل يامفلل الراس مجدول

عندي أمل مفتاح عسرات الأقفال

وبعد الهدف في باقي الليل معزول

يمكن قراده يمن اخبال واهبال

لكن يجي يومٍ به الجور محلول

رسمك معي يامالك الروح لازال

يوصايتك يامخلص القول معمول

ياصانعٍ مني قذيفه للأبطال

لولاك مارجى وإن ترجيت ما انول

انا الذي لأجلك تولعت بالشال

ياحول ياحال المواليف ياحول

انا وفي انا الوفا وانت الآمال

حرمت لكن كل ممنوع مدهول

انا هوى دمع تجمد ولا سال

عايش بـها الدنيا غريبٍ ومذلول

انا هدف انا رجا كل الأحوال

والضعف خلا حاكم الفرس معزول

إذن فـ أقنع بـ اعتراف ولا سال

الا عن اللي ترغبه أنت مأمول

ياريم صبري للبشر مضرب آمثال

خل السؤال بعالم الصمت مقبول

غني نفس ولا سأل طالب مال

القصد منهو بقتل الآحلام مسؤول ؟

ابي جوابٍ ماطعن واقع الحال

والرزق عند مكون الكون مكفول