شوفي الطفل قبل الملامح تدينه

إيه أحكمي قبل النظر يجرح العين

الروح شعلة شوق .. والحال طينه !

تكفين ردّي وهج الأيام تكفين

قلبي سؤاله : جرح طرّز سنينه

ياعاقلة طال إنتظار المجانين !

قولي متى من نظرتك ترحمينه

يفهم رحيله في سما عشقتك وين !؟

عصفور حب .. ومنيته تفهمينه !

مرفوض من كل الشجر بالبساتين !

أدري ملاك الحب داسوا جبينه

في عالمك كل الفرح للشياطين

لكن رجاك القلب لاتجرحينه

يا اعز وآخر مابقى باختيارين !؟ *

جاك بدويٍ ماتبيه المدينة

يستحلف عيونك تبوق القوانين

عواطفه نهر ٍ بيدينك رهينه

ومهما شربتي عذب الأشواق تظمين

قلبه سفر ملّ الدروب الحزينه

واحكايته تدمي خيال المزايين

عذره قديم وحاولي تذكرينه

وعيونك الحلوة : عيون البراكين !!