مجبور اعايش غربةٍ بـ اسم الأحساس

وأجامل الأحزان بـ اسم السعاده

وأحيا بـ رجوى مقبل العمر لا باس

وأصبر على حكم القدر والقراده

متفاولٍ بالخير مبعد عن الياس

وأجاهد الحظ الردي بالأراده

لو صابني جور الليالي والاتعاس

وأعلنت للأقدار كل السياده

اشيل من قلب الشقا كل وسواس

وأقول من صدمات قلبي إفاده

أصبر وكم شاكى الليالي من الناس

ولو صار سهر الليل للعين عاده

وليا عصى قلبي سلمت انت ياراس

خله عسى قلب الشقا للأباده

خله يعايش غربةٍ بـ اسم الاحساس

منه على حاله وهذا مراده