ياليت لك ورا سؤالك مصاليح

ياناشدٍ قاسي سؤاله كواني

بـ اجاوبك بـ احساس وافهم بـ تلميح

انا الغريب الي جفاني زماني

ولولا مخافة خالق الناس لا اصيح

انا الوحيد الي القدر ابتلاني

وانا الذي محتاج دربه لـ تصحيح ؟

همي وغربالي وياسي غزاني

واذا تبي ياناشدي زود تصحيح

انا الذي درب التعاسه خذاني

ابي اعترف وادلي واقرر بتصريح

مقتول في عيني بحريق الاماني

الناس واسوا بالخزامى وانا الشيح

اشم ريحه كنها الزعفراني

قلوبهم تحتاج غسلٍ وتشريح

يستهزئون بـ ساميات المعاني

معهم حرمت من الهنا والتفاريح

وش عاد باقي يالخبيث الهداني

تزعزعت اقدام رجلي وابا اطيح

ماعاد لي بين الخلايق مكاني

احلام كانت شالها عاصف الريح

وش حيلتي لاصار وقت عصاني

عايش على ذكرى ليالي مراجيح

ياليت ربي من هواها حماني

ولا عشت عاشق مولعٍ جاه تجريح

من واحدٍ ماذاق طعم الحناني