كان الرجوله بالمظاهر والاشكال

عـز الله اني ما عرفت الرجوله

وكان الرجوله بالمواقف والافعال

عـز الله اني مرتوي يا خجوله

يا جارحه احساس شاعر ورحال

غريب تايه من سنين الطفوله

ما كل من كشخ من الناس رجال

الشخص جوهر وافهمي ما اقوله

سطحية النظره ومعبوده المال

ما يعجبك شكل الغريب ونحوله

شكلي غلط لكن على الكود حمال

ودرب الفخر نفسي عليه معلوله

والشاطر الي يفتهم رمز الامثال

كم داس وقتك من سلايل حموله

لاني بمغرور ولاني بحيال

لي روح عن باقي الخبول معزوله

باني لي اهداف عظيمات ومال

والغيم من شافه ترجى هطوله

ولا يندمج درب الدناسه والافعال

والاصل يعرف من يتم بأصوله