والله مصيبه يازمن شوف الأحكام

بـ الهم نرضى مارضى الهم فينا

بـ امالنا والأمنا نزرع أحلام

وأيامنا تمطر مواجع علينا

لا يوعدونا قالها فاتت أعوام

نشرب قهر وأحزان من يوم جينا

الضيم هربنا؟ على شان ننضام

هذا قدرنا وش بقى في ايدينا

هزل غدى تاريخنا جلد وأعظام

وحنا ولاكنا بحاله درينا

ماعاد يخطي لأجل تشبعه الأقدام

ولاعاد تسقيه الحوادث يدينا

حنا بدو تجاهلينا يالأعلام

وانتي بعد يادار تجاهلينا

عشنا بظلم حالنا حال الأيتام

خنتي وحنا بالمواقف وفينا

ردي علينا العلم موضوعنا هام

إما لنا يادار ولا علينا

هم خدرونا في مواعيد الأوهام

ياويلهم ياويلهم لا صحينا

لو قيدونا في كلبشات الأقزام

ياويلهم ياويلهم لا أنتخينا

هم أزرعوا في دروبنا كل الألغام

ياويلهم ياويلهم لا مشينا

لاماسكتنا ذل ياسود الأيام

بس الحيا شيمه عليها ربينا

وإن وصلت لحلوقنا نورد حيام

والله وكيلك لا وردنا روينا