لاتناقشني عن اسباب اغترابي

غربة التاريخ خلتني غريب

والوطن مرسوم في صفحة عذابي

لكن الدنيا تناقضها عجيب

العدل لو قال يثبت أنتسابي

من ظهر عودٍ مورثني طليب

آه ياذيبٍ توازا وأنتخى بي

جاهل الماضي ولا اعرف الجليب

إن عويت الوقت قبل قد عوى بي

والتزمت الصمت والعالم خطيب

ابتسم والقلب ضايق بـ انتحابي

وأمدح ايامي ولكن ماتطيب

إيه اجاهد بس ماادري وش بقا بي

كل ظنٍ في وعد بكره يخيب

والتساؤل كل حزني واكتئابي

كيف انا مجهول والمنسب عريب ؟

من ولدت اصبحت رجلٍ في حسابي

وعشت طفلٍ بين خوف وبين عيب

وآه ياخوفي على زهرة شبابي

مثل سيبه نخلة اجدادي تسيب

لي عتب بس آه من يسمع عتابي ؟

لا ولي أمرٍ ولا صدرٍ رحيب

لعنة الغربه نصيبٍ في كتابي

لاقريب ولا رفيق ولا حبيب