وعينك ياعيني ماتحس بـ مباتي

رمح السهر في منبع الدمع مركوز

يـ الي لك اكبر حصةٍ في حياتي

لا كلها يا كلها ماعادا روز

إلا الغدر ماكان يوم بـ صفاتي

أنا عنزي والغدر مايقرب عنوز

والله فـلا خنتك ولا خنت ذاتي

اللي بي اكبر من بلا الناس والعوز

منهو معي ؟من راح؟ ومن راح ياتي

مدري وانا امشي كني انسان مدزوز

مذهول عاجز لا اتجاوز سكاتي

وصلت الاول ! بس ماكان لي فوز

هذه سواتي ؟ لا ماهي سواتي

انا بخاتم ماعرف وين محجوز

قطفت جوز وجوز من ذكرياتي

وعجزت ثنايا الحلم لاتكسر الجوز

كل الشتات الي يوصف شتاتي

ومحبط ! ولكن حالفٍ عنك ماجوز