طوّل حديث الصمت والخوف طوّل

والحلم ضايق منه عنق الزجاجه

ياهاجسٍ بين النواظر تجوّل

ماكل دربٍ مدخله هو خراجه

اللي على لسانه وفكره يقوّل

ماهو بـ مثل اللي حكيمه مزاجه

تعبت في باب القصيد اتسوّل

فكره وينهض في تعالي حجاجه

لا قادرٍ ارقى له ولا يوم حوّل

كنه لبس مليون ريح وعجاجه

ذقت الظما يامعاتبي لا تهوّل

لذ لشفاهي يوم عاند هماجه

كنت اول اجمل؟ وانت كنت اجمل آول

أول والأول زين في كل حاجه