من يقين العلم للحلم والحلف الغموس

كلمة ماسلل الخوف حرف بغبها

القصايدتنتخينا وهي مثل العروس

ماتعزوت غير باللي يموت بحبها

مالحقنا جرّةالذيخ في ظل الطعوس

ولانضيع بديرة عرقنا ينبضبها

ولا شربنا فكرنا من هوا عود مغروس

بنت فكر غيرنا ماوطى في خبّها

علموا من راود الغوص في نفسه يقوس

لا يصير آخر خبر عنه يوم يطبّها

من جانا هوا والريح كوس

آه ليت إن الكرابيج تعرف ذنبها

كانت الكلمه سهم صار وزن الهرج قوس

ومن يبي حمر المعاني يصيب فقلبها

والخلايق فيهم اللي يساس ومن يسوس

والمراجل ماتجي كل شخص نبّها

والغرير اللي قضب في يده للناس موس

والله ان أوما بكفه لنا لنجبّها

حشمه لشيخ السناعيس والقدر محروس

والله انه لو رضى سطوتي يوسمبها

قامت حروف القصايد لنا قلنا جلوس

باكر ان طالت بها أو بها إلا بها

ومن يقين العلم شمس جلت كل الشموس

كلمة لا جا صميل الفعل نحسبّها