أجل والشمس لو ماهيب يوم تغيب خجلانه

ورا وجناتها أحمرّت وغابت يوم جاطاريك

حبيبي والعيون أغلا عطايا الله سبحانه

وأناماستاهل الشوف إن هدرت النظره إلا فيك

تغيب وتذبل الدنيا وينسا الكون خلانه

ويفقدكوكب الأرض الوعي من شوقه ويهذيك

وإلى من جيت تبدا تركض النسمات فرحانه

وينبت ورد بكفوفي ولا يزهر بغير يديك

أحبك وأنت زلزال الشعور وأنت بركانه

وكل لا نطق نادا على أمّه بس أنا مناديك

ولا أدري وش بلا اللي مايعرفك متعب لسانه

وأنا إن حاكيت غيرك لازم اتخيلك واحاكيك

جنون وميزة العشق الحقيقي خمّة جنانه

ومن قال إن أنا عاقل مدام هبالي بيرضيك

أحس بقلبي نجوم وسحاب هل هتانه

وأحس بدمي أسراب الكناري دايم تغنيك

أمانه لا تقاطعني حبيبي لو هي ميانه

تعال ويوم ربي فك عوق لساني أوريك

أنا أول بني آدم يشوف الشمس بردانه

وأنا اول من يحجّل بالنجوم المضويه رجليك

وأنا اول آدمي طار وستل بالكون جنحانه

وحلبت النور من شمس النهار وجيت لك بسقيك

وأنامن كل كوكب جبت لك دعوه وعنوانه

ويقولون بتجي وألا انت بس أسمح لنا ونجيك

حبيبي وأضحك الدنيا تهزهز حيل طربانه

حبيبي وإن حكيت الورد يسفه بعضه ويوحيك

تعال وعلم الطيف الغبي عن باقي الوانه

تعال وزك زينك جد على الخفرات من باقيك

وحتى لو تفجّر قلب من حبك بوجدانه

حشا مايقدر إنه لو بحق مشاهدك يوفيك

يقولون السما زرقا وأقول الناس غلطانه

هذيك عيون جمهور الكواكب يومه يحييك

أجل والشمس لو ماهي على الغيبات ندمانه

وراها يوم سولفنا الفجر جتنا على طاريك