الديوان
الرئيسية
القصائد
حسب الموضوع
حسب القافية
الاقتباسات
موضوعات الاقتباس
جميع الاقتباسات
الشعراء والمؤلفون
شعراء الدول
شعراء
شاعرات
جميع الشعراء والمؤلفين
الديوان
»
السعودية
»
محمد الدحيمي
»
يعين الله يادنيا
تمت الاضافة إلى المفضلة
تم الاعجاب بالقصيدة
تم إلغاء الاعجاب بالقصيدة
عدد الابيات : 16
طباعة
يعين الله يادنيا تسوق ايّامها الأحزان
يعين الله وانتي مثل قفل ٍ ضاع مفتاحه
يعين الله وجروحي لها في كلّ وقتٍ شان
كذوب اللي يقول ان الزمن بيداوي جراحه
سقى الله يوم انا يمّه غرير ٍ يزعج الجيران
سقى الله يوم انا طفلٍ يصج البيت بصياحه
سقى الله يوم كان اقصى طموحي لعبة الدنان
نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان
واقلد كلّ شيٍ فيه حكيه جدّه مزاحه
واشيل المسبحه مثله ليا هوجس وهو سرحان
بيشعر واحسب ان اللي عطاه الشعر مسباحه
سقى الله بيتنا ذاك البسيط مشقق الجدران
شجاع ٍ يهزم الغدراء … بقنديله ومصباحه
تكحِّلنا القناعه لا طمع لا هم لا حرمان
واذا جاء الليل تكفينا ثلاث اخوان طرّاحه
جميع الذكريات اللي غدت في قفرة النسيان
يحاكي حلوها عبره بموق العين سبّاحه
خذتني غربةٍ عنوانها غربه بلا عنوان
(ابي عقب التعب راحه لقى فيني التعب راحه)!!
رجعت اليوم مثل اللي رجع عقب القنص خسران
غدا طيره وجاء يسحب سلوقيه وملواحه
قصيده مابَعَد مرّت ببال مساعد وضيدان
هواجيس ابدويٍ هايم ٍ في عشق فلاحه
وروح ٍ تايبه كانت تبي لذنوبها غفران
خطاي انّي كتمت اسرارها بعيون بواحه
تقولين المطر ماهوب … يمّه دايمٍ هتان
اجل معذور قلبٍ في همومه ضاعت افراحه
انا يمّه غلطت ولاني اول واحدٍ غلطان
ابونا آدم من الجنه خرج باسباب تفاحه
خذلك الوقت فيني ماخذلتك ياأعز انسان
وش الدبره ؟ وحظي صار قفل ٍ ضاع مفتاحه
نبذة عن القصيدة
قصائد عامه
قافية الحاء (ح)
الصفحة السابقة
أسنان الندم
الصفحة التالية
باب المقبره
المساهمات
معلومات عن محمد الدحيمي
محمد الدحيمي
السعودية
poet-Mohammed-Alduhaimi@
34
قصيدة
شاعر سعودي عُرف بقوة جزالة شعرة واشتهر بقصيدته الشهيرة "تكفى ترى تكفى تهز الرجاجيل توفي عام 2023م.
المزيد عن محمد الدحيمي
تصفح ايضا
سعد الحويماني
poet-saad-al-hwimani@
ماجد الشاوي
poet-majed-shawi@
أقراء ايضا ل محمد الدحيمي :
بعضي ينازعه اغلبي
رمان ليه
شموخ الحزن
شاعرٍ له
السرير الأبيض
أضف شرح او معلومة
أضف معلومة او شرح
حفظ
الرئيسية
شعراء الدول
موضوعات القصيدة
القوافي الشعرية
الإقتباسات الشعرية
الشعراء والمؤلفون