أعذرني يا سيدي الزّمان
فيني على الدنيا عتب
الرجل حيّرها المكان
و العين حيّرها العجب
تغيّرت كل الامور
و احترت في مفهومها
النايمه قامت تثور
و الصّاحيه جا نومها
النجم ماهو نجمنا
و الليل ماهو ليلنا
و الصّوت ماهو صوتنا
و العشق ماهو عشقنا
تمطر ولا يظهر نبات
و نبات ما جا له مزون
وعيون ما فيها حياة
و حياة مافيها عيون
اسافر بفكري و أتوه
و اناظر بعيني قريب
في عالمي زحمة وجوه
وانا مع الزحمه غريب
صقّار ماعندي صقر
خيّال ماعندي فرس
بيني و فرحات الدّهر
من لعبة ايّامي حرس
قصيدتي لعبة عمر
و خيالتي صهوة سحاب
غنّيت في شمس و قمر حضرت في لحظة غياب
طالت مسافات الزمان
وشلون ابقطعها مشي
فراغ مليان المكان
و خيالنا اصبح غشي