الله اكبر كيف يجرحن العيون

كيف ما يبرى صويب العين ابد

احسب ان الرمش لا سلهم حنون

اثر رمش العين ما ياوي لاحد

يوم روّح لي نظر بعينه بهون

فز له قلبي وصفق وارتعد

لفني مثل السحايب والمزون

في عيوني برق وبقلبي رعد

نقض جروحي وجدّد بي طعون

قلت : يكفي قالت عيونه بعد

وانعطف هاك الشعر فوق المتون

وانثنى عوده وقفى وابتعد

اشغلتني نظرة العين الفتون

حيرتني بالتوعد والوعد

هي تمون العين والا ما تمون

لى خذت قلبي وقفت يا سعد