البارحه وانا مع اصحابي الجن

قابلت بالصدفه قريني معدي !

مرسول سلمى بنت خالة ( زلوجن )

جنيّة ٍ لا شفتها باح سدي

لمحة سنا مارج لهب. ضو ! منجن !

تزلّ وتعدي .. و ازلّ و تهدي !

نفس الصفات ونفس تقريبا السن

لكنها ما هي على مزح جدي!

تلعب على مرجيحة غواية الظن !

وصلت معيحتى تعديت حدي

لادندنت لي "دندنة" : دن دن دن

دندنت انا من دندنة : دن دندي !!

دن دن ددن دن دن ددن دن دندن !

دندن ددن دن. دن ددن دن دندي !!

قالت : من انت ؟ وقلت بلسانها : من ؟

انا ؟ انا ! انا ! انا ! مين ؟ ردي !!

انا الزعيم بمعشر الانس والجن !::

انا ولا غيري على الأرض قدي !

انا الكبير بعالم الشعر والفن !

انا الوحيد اللي بالأنداد ندي !

انا الرضيع اللي نبت له مية سن !

وانا المخرّف والحلاوه بيدي !

انا الحزين اللي يقولون له غن ّ

وانا السعيد اللي ملا الدمع خدي ! !

وانا الذي لا يمكن وصار ممكن !

ودي ولا ودي ! اعرفه وودي !

خالد ! ولو تدرين خالد ولد من ؟؟!!

مطلق ! وسالم ! راعي الجود ! جدي !!

سعر التراب من الذهب عندي أثمن !

لا شفت ثوب اللي يلمّه مصدي !

ولو ان سلمى عندها احساس وتحن ّ !

ما تكسر بخاطر جهل ! طيب ردي !

اوواه يا كيف اعتذر عن ...

طهر الحروف الطايشات بمردي !!