يوم كنت( صغيّّّر) يقولون جنّي

ماخبر واحد على امي مااشتكاني

كنت موذي والوذا مخلوق مني

كنت اشقا طفل مولود بزماني

اتشخّص ب(الطقيّه) ياعنّنّي ‍‍

صرت اغازل واعرف اسلوب الغواني

كل بنات الحارة كانن يعشقني

ابتساموهند واحلاموتهاني

من قبل لااقول طيري يلحقني

ويحبشنّي من قبل لااصل مكاني

كنت بالحاره من الطيش احسبني

سندباد اللي عرف سّر المواني

كنت أوسوس بالشعر من صغر سني

والمس جروحي على شانه واعاني

لين في مّره ‍ وانا ماشي واغني

رايح لدكّان عدنان اليماني

مّّرني خنجر غلا عشق وطعني

جايني من وين ؟ مدري بس جاني

وش تبون بقصتي يخرب مطني

ما ضحك غيري عليّ ولا بكاني

اسمعوا بوح الحنين اللي سكني

واعذروني لا خذل حرفي لساني

لا تعّدون السهام اللي رمني

وتسئلوني ويش كثر عوج المحاني

احسبوني طفل محتاج لتبني

عن حسدهم حافظ السبع المثاني

وازرعوني بالعيون اللي جفني

واقطفوني من على خضر المعاني

اطعنوا صدر اليقين بسيف ضني

واشربوني دمّ لو جرحه نساني

اسمحوا لي بين( قوسين ) التجني

آخذ المجني عليه بذنب جاني ‍‍

اه منه واه منكم واه مني

من نبش فيكم ورى الصمت وحكاني ؟؟

ايه اموت بدونه وأحيا كأني

عايش بدوني غياب انسان ثاني

والله انّه بالوهم يوم يحضني

طيفه يصّدق ‍ وانااذوب بحناني

أكذب الصدفه واصدقها واهني

واجرح الساعه لاجل خاطر ثواني

واسألوا بنهاية المشوار فني

من وشم جرحي على صدور الاغاني؟

وعلموني ويش يقول الشعر عني؟

هو أخذ من حسرتي؟ والا عطاني

بلّغوه اني تعبت من التمني

ولا لقيت اريح من احلام الا ماني

وصدقوني موغرور ان قلت اني

ماخلق ربي قصيد الاعشاني

وسامحوني بس هالمّره لاني

طحت من عقلي على قمة جناني