جَرَح طاري هدبك البارحه.. والناس مجتمعين..!
سكتّ..! ولا سمعت اللي عذلني غير بعيونه..!!
يلوموني .. وانا احب الملام اللي عشان اثنين :
عيونك .. والصباح اللي أشوف ومايشوفونه
وبكره :
صباح النور.. ياوجه الصباح اللي يجي بالخير
طويت : البارحه* ، والنايمين، وصفحة عتابك
عذرتك.. قبل ماهدهد غيابك من هدبك ،، يطير
وسبقك من السماح اخضر على"عرش" الغلا جابك..!!
حبيبي ... ياهلا والله بحبيبي وافي التقصير
عدد : ماعدَوا اصحابي وراك .. وغاروا اصحابك
يسومون "العطا" بـ اسم "الخطا" في كفة التبذير
خطاي ..! ولا صوابٍ ما يوصّلني على بابك.!!
أنا فيني تعب ، فيني عتب ، فيني جروح اكْثْير
ولا فيني أكمّل مابقى فيني .. من غيابك..