ياسمين من اليمين ومن شمالي سندباد

و(اربعينية) علي بابا على بابي فتن

وين اودي وجه طارق؟ عنك ياوجهي زياد

وين اصد؟ وكل وجه يصد في وجهي وطن

دثريني فيك يمه كل مابانت سعاد

زمليني عن زهير وزمهريرك والزمن

هزي الهندول واملي املي عيوني رقاد

سمعيني لاسكت ونمت من صدرك لحن

هزي الهندول يمه امتلت روحي رماد

ولحفيني سالفه من دون ارض ولاشجن

ما عشقت من القصور الا (ارم ذات العماد)

ومانويت اللي نويت من العمار الا عدن

صدقيني ماسهرت اكتب حكاية شهرزاد

لا ولا هذا الصبا والا الصبا هذا لمن؟

انتي قلتي مايموت اللي على ارض الجهاد

وياما قلتي لاتنام الا تحت راسك كفن

لاخذلك الموت موت ولاتعيش بلا (بلاد )

ومن سرقك اليوم بكره مايعوضك بثمن

والقصايد يابعد ليل القصايد والسهاد

حملتني لك سلام ولي ملام

سنبلتني ثار قمح يشب فبطون الجراد

وحلفتني مااموت وباقي بقلبك حزن