افضل وسيله للسعاده والنجاه
سهله على الراغب ولا هي كايده ..
توحد الله صدق وتقيم الصلاه
وجعل الفواحش عن حدودك نايده ..
وتكف يدك وتحمد الله على الغناه
وتخشّر هنودك معك في المايده ..
ما ضاقت إلا قرّبت في فرجها لا تشغلك ضيقة ولا يتعبك حزن حاولت تجبرها وتعدل عوجها وعند الردي كل العطايا بلا وزن
احذر ضياع الوقت والوقت لا ضاع
ماتدركه لامن فرط منه ساعه
تلعب به الايام من بين الاصباع
مابين ريضة خاطرك واندفاعه
كم واحد ودك تدله ولاطاع
حتى يشوف الوقت ضره ولاعه
لاعاد ياقلبي على الناس تشره
لاصار حظّك فاكثر الناس مايل
يروح عشره منك ويجيك عشره
صَنعك من ايام الهوى والهوايل
خلك بعيد ان كان بالبعد راحه
يمكن تجي والوضع يزداد تأزيم
إطعن بقلبي .. كان تلقى مساحه
مبطي وانا عايش حياة المظاليم
أبليس والدنيا ونفسي والهوى
وكيف النجاة وكلهم أعدائي
إبليس يرمى بي لدرب مهونتي
والنفس ترمي بي على البلوائي
فإذا نهيت النفس عن درب الهوى
قامت تزايد دائماً قشرائي
احذر من الدنيا تغرك وتغراك
ولاتحسب انها على الكيف تعطيك
ولاتغرك يافتى كثر الاملاك
وشعاد لو تربح بكثرة مشاريك
وان كان تقدر لا طلب منك عازه
عطه الطلب تقدير لا يطوي الياس
واهم ميزه بالنفوس العزازه
والا ضعيف النفس ماهو على ساس
اللي يبي ذكره يخلد بدنياه
يبدي برجمٍ ماحدٍ قد بدا به
اما قصيدٍ يبهج الصدر معناه
و لا فعولٍ تستحق الكتابه
اغنم شبابك قبل تفنى تواليه
ماينفعك لاشبت كثر الندامه
من لاكسب صيته على اول خطاويه
ماهو بكاسبها ليوم القيامه
روّق ترى عمرك قصير وفاني
وشفيك ضايق لا تضايق.. روّق
اللي انكتب لك ما يروح لثاني
ربك يوسّع .. وانت غصب تضوّق
وان ضاق صدرك بين همً وحاجه
لا تبدي اسرارك على غير ماثوق
اصبر وياتي للزمان انفراجه
والناس قالو كل مطرود ملحوق
لا تشتكي من جور الايام للناس
ادفن همومك في ثرى الصمت كله
اسرار عمرك خلها تحت الانفاس
لا صار هراج القفا فاطن له
ترى الناس مثل الماء قراحٍ ومالح
به النبت نفل وغلقه وعراد
ومن الناس من يبدي لك النصح ظاهر
بعقل وميز وهرجة بركاد
وانحمّل زلات الصديج عشانـك
ونهوش بـك والظـن فيـك يميـل
والا نحـن لـي ما يعـال عليـنـا
و نكبّـر العيْـلات يــوم اتعـيـل
لا تنشغل بالوقت وأشياء الحياه
لا صرت مؤمن اعرف انها زايله
ياحظ من حافظ على أوقات الصلاه
ما مال دربه لو ،، حظوظه مايله !
لا تامن الدنيا ودورات الايام
لابد ماتشرب من ،، اللي سقيته
من قدم ،، الاحسان يلقاه قدام
دنياك يا ابن ادم على ،، ما بنيته