ضعفي محبة لا تقول اني ضعيف

عز الله انه كان لي قلب قوي

تقول لك قلب من الرقة شفيف

واقول ليته عن عذابي يرعوى

لي عام روحي لا تهيد ولا تقيف

ما غير تلعب فالضلوع و تنزوي

جرحتني جرح على جرح كليف

و خليتني مثل الغريب ابلا خوي

تبيني اجلس لا يجي هرجك عنيف

تبيني اغادر غديتلك جلوي

لا قلت احبك خلني قصدي شريف

انا بدوي ولد بدوي ولد بدوي

تخاف مني ليه احس اني وليف

انا ما اخاف الا ان عودك ينذوي

عطني الفصول ولا يجي فصل الخريف

مادام عشبك فالمعاليق اثروي

ومن الثريا للثرى مالك وصيف

ولا تنتوصف بالكلام المعنوي

وانا اعرف قلبك واعرف انه نظيف

وتلعب مع قلبي و قلبي منكوي

ثقيل انا واودعتني مثل الخفيف

وشلون هاذي في حبيبك تستوي

اضحك على نفسي من الامر الظريف

وابكي على حالي من الامر السوي