صحيت جمره و ذاب الشمع و السكر

و شلون ما اتذكرك و تمر في بالي

يا كثر حبك في قلبي و الغرام اثمر

و اتخيل اش كثر احبك و انت في غربالي

و يحق لك يا صغير السن تتكبر

الا على اللي يحبك يا بعد حالي

في بستمك يضحك الرمان للمرمر

و بعدي يغار الشهد من ريقها الحالي

كل الشوارع تمرك يا الحرير الحر

يا تل قلبي على لا ما تمنالي

روح وين ما تشتهي روح قد ما تقدر

انا اول الناس في قلبك و انا التالي

يا خلطة المسك و الريحان و العنبر

الريح تستاذنك يا الطيب الغالي

كانك تغليت تستاهل و انا اتصبر

على تغليك و الغالي هو الغالي