تمر فبالي أشهى من كلام ضيعوه اثنين

وأنا في بالي لحبك كلام ٍ ما بعد قلته!

كبرت ولا صغر يا موطني حب كتبته لين:

ظهر عشق كبير أكبر من اللي ما تخيلته

أكيد السالفة يا موطن «الما» نخلة وسيفين

وأنا يمناي سيفك، والنخل في خافقي شلته..

أنا أدري فيك من لون الربيع وضحكة النسرين

ولا ينضام من هو في ترابك جاك وأدخلته

يقولون العرب ما خانت الأوطان بالوافين

وأنا أقول الوطن رجل الوفا والعهد مرجلته

مثل أيش الوطن؟مثل الشفاه اللي تقول: آمين

كبر أيش الوطن؟هذا الوطن يا كبر منزلته!