تغلا على كيفك مدامك غلا مغليك

يا محلا الغلا ياللي تغلا ويا مروعك

أحب الحياة اللي تضمك وبين يديك

أشوف الحياة اللي تضمك ولا توسعك

لأنك قمر أقول سبحان من يخفيك

شبيه القمر في كل مطلع شهر مطلعك

تحب المطر وأنت المطر ينزل يحاكيك

وتحب العطر وأنت العطر منك ومنبعك

تحب الغلا وأنت تغلا على غاليك

وأنا ودي أودع حياتي ولا اودعك

تكبرت ياللي مكبرك في عيوني ذيك

وأنا اللي نثرت لك القصايد عشان اجمعك

تغيب تعرف أني بعاني عشان اجيك

وتسترجع الذكرى وأنا اعرف وش رجعك

تعرف أني احبك محبه بلا تشكيك

ولو انك توزع للفقارى بوزعك

لا تزعل ولا يأخذك مني الزعل ،ابيك

تعرف أني اكثر شخص لو توجعه ما اوجعك

أنا احاول أني بقدر الإمكان ما اخليك

ولو يخدعك وقتك أنا مستحيل اخدعك

افكر وأنا ما ودي افكر الا فيك

وأسافر وأنا ماودي اسافر الا معك