ايه والله ما ارضى عليه
ولا اساويه في بشر
واللي يلوم القلب فيه
ما ظنتي عنده نظر ‏
***
ازعل الدنيا لرضاه
و اغيب الا عن هواه
الله وضع فيني غلاه
وش كثر احبه وش كثر
***
رباه يارب الوجود
حبه مقيدني قيود
احميه من عين الحسود
لا مر اسمه او عبر
***
هوا حبيبي للابد
ولا ابي غيره احد
لو قامت الدنيا بعد
هو ماي عيني والنظر
***
اضيع به كلي واذوب
دامه حبيبي كيف اتوب
ما فيه يا عالم عيوب
والعمر قبله مو عمر
***
‏اموت به وبطيبته
برقته وحنيته
لا تسالوني من متى
من يوم جمعنا القدر