قاعد
مستربع
زى الفقى الكفيف
بيلقّط النفحه
رغيف بلحمه ضانى
كوباية قرفه
نص ريال
قاعد
مستربع
فى ركن ضلمه
يمين القلب
ممكن يبان لك
فى صورة القديس يوحنا
أو فى صورة خمورجى معلّق قارعته فى شفايفه
أو فى صورة شحات ندل بعد ما تدى له يدعى عليك
هوَّ كدا
قاعد
مستربع
بشروطه
والأقرع بياكل حلاوه
قال إيه بفلوسه
قاعد
وماسكنى من ياقة جلابيتى
كل ما احدّد شكله ...
فى الضلمه يفر
دى ملامحه اللى قدرت أعرفها
لكن ممكن اسميه وارتاح
قاعد
مستربع
كابس على مراوح قلبى
شىء بايخ جداً
اسمه الحب .
(من دياان رجلى أتقل من سنة 67 الصادر عام 2001)