يالله يا رب العطايا الجزيله

ياللي جزيلات العطايا تعودها

تعطي ولا يقفى عطاياك منّه

من مزنةِ يملا الحواير حشودها

عدلها من المنشا نسيم من الهوا

واسقت منازل من لعيني ودودها

ربعٍ منازلهم على نايف الوطى

فيما تعلَّى من نوايف نفودها

ركد وبلها وانحت على الزور واسبلت

تقصف رعدها وانتهت في حدودها

والي خذت سبع الليالي يعلّها

وبل السماك ومزنته هل جودها

تلقى الزهر وسط الرياض العشيبه

عطرٍ تعل به العذارى خدودها

ايام عيد وناقصات الجدايل

فيهن من الوان المها في صدودها