ابتدا الصيف والصيف ان بدا فيه عاده

قلت الوصل والضيقه وبعد الحبايب

اه ياقلبي اللي فارقته السعاده

كل ماقلت طاب لا ماهو طايب

لا تذكر هوى باله وغايه مراده

هاب لو كان بالشدات ماهو بهايب

لكن البعد مثل الموت لا جا حصاده

مايرده سموم ولا ترده نوايب

ليت محبوب قلبي مايغادر بلاده

ونجتمع ماعلينا من سموم الهبايب

اتصبر على الفرقا ولا لي جلاده

واتعزز وانا قلبي من البعد ذايب

لا تلومون قلبي يوم عاش النكاده

لا تقولون كثر الدمع ماله سبايب

صدرو لي بعد فرقا حبيبي شهاده

بعد فرقاه مالي غير عوج النصايب