للقصيد أحكام وأوزان وقوافي

وانت علمك يا أبيض الكفين وافي

والقصيد اليوم يوم إني كتبته

ما كتبته من غرام ومن تجافي

كاتبه في مدح رجل ٍ تعرفونه

امتلا معناي فيه وطاب قافي

خالد اللي في عروق القلب خالد

العضيد اللي لجرح الوقت شافي

شيخ ٍ الله حط فيه الحب كله

لبّسه ثوب ٍ من الأخلاق ضافي

يا رفيق ٍ كل ما ضاقت بصدري

جيت له والله يعلم كل خافي

صورته تبقي بعيني واحتضنها

بالنهار وبالمسا لو كنت غافي

يا ذراعي يا يميني يا عويني

يا سنادي وان تغيّر كل صافي

فيك كل المدح لايق وانت لايق

وآخر أبياتي على قلبك عوافي

والقصيد اليوم يعجز به لساني

لانك أكبر من حكايات وقوافي